മണലാർ വെള്ളച്ചാട്ടം
പത്തനംതിട്ട ജില്ലയിലെ കോന്നിയിൽ നിന്ന്, കോന്നി - അച്ചൻകോവിൽ റോഡിലൂടെ 50 കിലോമീറ്റെർ സഞ്ചരിച്ചാൽ മണലാർ വെള്ളച്ചാട്ടത്തിനടുത്തെത്താം. 40 രൂപ പ്രവേശന ഫീസ് കൊടുത്തു വെള്ളച്ചാട്ടത്തിനടുത്തേക്കു പോകാം.
ഏകദേശം 32 കിലോമീറ്റെർ കൊടും കാടിനുള്ളിലൂടെ (റാന്നി കാട്ടിലൂടെ) യുള്ള ഇടുങ്ങിയ ഒറ്റവഴി ആണ്. എപ്പോളും ആന ഇറങ്ങുന്ന ഭീതിജനകമായ ഒരു വഴി ആണിത്. ഏറെ കുറെ റോഡ് നല്ലതാണെങ്കിലും ചിലയിടങ്ങളിൽ റോഡ് ഇല്ലെന്നു തന്നെ പറയാം. എല്ലാവാഹനങ്ങളും പോകുമെങ്കിലും ജീപ്പാണ് ഇതിലൂടെ ഉള്ള യാത്രക്ക് അഭികാമ്യം . പുരുഷന്മാർക്കും സ്ത്രീകൾക്കും രണ്ടിടത്തായി കുളിക്കാനുള്ള സൗകര്യം ഒരുക്കിയിട്ടുണ്ടെങ്കിലും വെള്ളം അൽപ്പം മോശമാണ്. പുരുഷന്മാർക്കുള്ള സ്ഥലത്തേക്ക് ഒരു കിലോമീറ്റെർ സെമി ട്രെക്ക് ചെയ്തു പോകണം.
ഇവിടേക്കെത്താൻ കൊല്ലം ജില്ലയിലെ തെന്മലയിൽ നിന്ന് തമിഴ്നാട്ടിലെ ചെങ്കോട്ട വഴി ആണ് എളുപ്പമുള്ളതും നല്ലതുമായ റോഡ്. അഡ്വഞ്ചർ ഇഷ്ടമുള്ളവർക്ക് മുൻപ് പറഞ്ഞ റാന്നി കാട്ടിലൂടെ പോകാം.
Nearby Attractions
Checkout these
അസുരൻകുണ്ട് ഡാം
മഴക്കാലത്ത് ഏറ്റവും മനോഹരമായ കാഴ്ചകൾ സമ്മാനിക്കുന്ന ഡാം ആണിത്. ജലാശയത്തിന്റെ നടുവിലെ പാറക്കൂട്ടങ്ങൾക്ക്‌ മുകളിൽ നീർക്കാക്കളും കൊക്കുകളും ധ്യാനിച്ച് ഇരിക്കുന്ന കാഴ്ച അതിമനോഹരമാണ്.
ഇടുക്കി അണക്കെട്ട്
പാറയിടുക്കിന്റെ സാന്നിധ്യവും മർദ്ദവും ശക്തിയുമെല്ലാം താങ്ങാൻ കഴിവുള്ള അണക്കെട്ട് കമാനാകൃതിയിലാണ്‌ നിർമ്മിച്ചത്.
കൊട്ടിയൂർ(ആറളം) വന്യജീവി സങ്കേതം
വളപട്ടണം പുഴയുടെ പ്രധാന നീർച്ചാലായ ചീങ്കണ്ണിപ്പുഴ, ബാവലിപ്പുഴ എന്നിവയുൾപ്പെടെ നിരവധി ചെറുതും വലുതുമായ അരുവികളും തോടുകളും ഈ വന്യജീവിസങ്കേതത്തിനുള്ളിലൂടെയും അതിരുകളിലൂടെയും ഒഴുകിയിറങ്ങുന്നു