കൊളുക്കുമല തേയിലത്തോട്ടം
ലോകത്തിലെ ഏറ്റവും ഉയരത്തില് സ്ഥിതിചെയ്യുന്ന തേയിലത്തോട്ടമായ ,കൊളുക്കുമല തേയിലത്തോട്ടവും കൊളുക്കുമല ടീ ഫാക്ടറിയും ഇവിടെയാണ്. മൂന്നാറിലെ സൂര്യനെല്ലിയില് നിന്നും ജീപ്പ് മാര്ഗ്ഗം എത്തിച്ചേരാവുന്ന ഇവിടം മികച്ച കാഴ്ചാനുഭവങ്ങള് നല്കുന്നു. കൊളുക്കുമല വ്യൂ പോയിന്റിന് സമീപമുള്ള തമിഴ്നാട് സംസ്ഥാനത്ത് സ്ഥിതിചെയ്യുന്ന കൊളുക്കുമല ടീഫാക്ടറിയുടെ എല്ലാവിധ പ്രവര്ത്തനങ്ങളും സഞ്ചാരികള്ക്ക് കാണാന്തക്ക ക്രമീകരണവുമുണ്ട്...
മൂന്നാറിൽ നിന്ന് 35 കിലോമീറ്റർ പിന്നിട്ട് മലഞ്ചെരുവുകളിലൂടെ,ചിന്നക്കനാൽ വഴി സൂര്യനെല്ലിയിലേക്കുള്ള മലമ്പാത, ഇരുവശവും മനോഹരമായ കാഴ്ച്ചകൾ . പരന്നു കിടക്കുന്ന തേയിലത്തോട്ടങ്ങൾ. പോകുന്ന വഴിയിലാണ് അപ്പർസൂര്യനെല്ലി ഈ സ്ഥലത്ത് കുറച്ചു കടകളും അതിന്റെ ഇരട്ടിയോളം ജീപ്പുകളുമുള്ള കവലയാണ് .കൊളുക്കുമലയിലേക്ക് വാഹനമായി ജീപ്പ് മാത്രമേ പോകു.സഞ്ചാരികളെ കാത്ത് സ്റ്റാർട്ടിങ്ങിൽ ഇട്ടിരിക്കുകയാണ് 5 ഗിയർ ജീപ്പുകൾ.കല്ലും മണ്ണും ഇളകി കിടക്കുന്ന ദുരിതമായ റോഡാണ് .തേയില തോട്ടങ്ങളുടെ നടുവിലൂടെയാണ് വഴി,ഇരുവശത്തെയും കാഴ്ച്ചകൾ മനോഹരം .കാടിനരികിൽ കുടിൽ വെച്ച് താമസിക്കുന്നവരാണ് വഴികാഴ്ചയിലുള്ള മനുഷ്യരൂപങ്ങൾ.ഒരു സ്കൂൾ ,ചെറിയ അമ്പലം ,ഇരുപതോളം വീടുകൾ -ഇതെല്ലാം കൂടി ചേർന്ന ഒരു സ്ഥലമാണ് നാഗമല .
കൊളുക്കുമലയിലേക്ക് നടന്നു കയറാൻ തെയിലത്തോട്ടങ്ങൾക്ക് നടുവിലൂടെ വഴിയുണ്ട് .പക്ഷെ,മഞ്ഞു പെയ്താൽ കോട പുകയും.വഴി കാണാൻ പറ്റാതായാൽ അപകട സാധ്യത കൂടുതലാണ്.അത്രയ്ക്ക് സാഹസം. സമുദ്ര നിരപ്പിൽ നിന്ന് 7130 അടി ഉയരം എന്നൊരു ബോർഡ് ഉണ്ട് .കൊളുക്കുമല വ്യൂ പോയിന്റിൽ നിന്ന് ഒരു കിലോമീറ്റർ താഴെയാണ് ഫാക്ടറി.ലോകത്തിലെ ഏറ്റവും ഉയരമേറിയ ടി പ്ലാന്റേഷൻ എന്ന് ഇവിടെ എഴുതി വെച്ചിട്ടുണ്ട്.
കൊളുക്കുമലയിൽ നിന്ന് നോക്കിയാൽ തമിഴ് നാട്ടിലെ കർഷക ഗ്രാമങ്ങളും പരന്നു കിടക്കുന്ന പാടങ്ങളും കാണാം.ബോഡി മുതൽ തേനി വരെ തമിഴ്നാടിന്റെ പ്രകൃതി ഭംഗി ആസ്വദിക്കാം.രാമൽക്കമേട് തൊട്ട് ബോഡിമെട്ട് വരെ കേരളത്തിന്റെ അതിർത്തിയാണ് .
- *സ്വന്തം വാഹനമായി പോകാതിരിക്കുക ,പൊട്ടിപൊളിഞ്ഞ റോഡിൽ ഡ്രൈവിംഗ് അപകടകരം .
- *അപ്പർ സൂര്യനെല്ലിയിൽ നിന്ന് 10 കിലോമീറ്റർ യാത്ര.
- *അപ്പർ സൂര്യനെല്ലിയിൽ നിന്ന് ടാക്സി ജീപ്പുകൾ കൊളുക്കുമല സർവീസ് നടത്തുന്നു.2000 രൂപവരെയാണ് ടാക്സി ചാർജ്.
- *കൊളുക്കുമല ട്രക്കിങ്ങിനു പോകുമ്പോൾ ഭക്ഷണം,കുടിവെള്ളം എന്നിവ അപ്പർ സൂര്യനെല്ലിയിൽ നിന്ന് വാങ്ങി ബാഗിൽ കരുതുക.
- *ആരോഗ്യ പ്രശ്നമുള്ളവർ യാത്ര ഒഴിവാക്കുക.
- *രണ്ടു മണിക്കൂർ നടക്കാനുള്ള തയാറെടുപ്പുകളോടെ കൊളുക്കുമലയിലേക്ക് പുറപ്പെടുക.
Nearby Attractions
പാമ്പാടും ഷോല നാഷണൽ പാർക്ക്
കേരളത്തിലെ ഏറ്റവും ചെറിയ നാഷണല് പാര്ക്ക് ആണ് പാമ്പാടും ചൊല അഥവാ പാമ്പാടും ഷോല
Checkout these
കുത്തുങ്കൽ വെള്ളച്ചാട്ടം
അകലെ നിന്ന് കാണുമ്പോൾ തോന്നുന്ന മനോഹാരിതയേക്കാൾ അടുക്കും തോറും കൂടുന്ന വശ്യതയായിരുന്നു ആ വെള്ളച്ചാട്ടത്തിന്
കൊളഗപ്പാറ
സൂര്യോദയവും അസ്തമയവും ഇവിടുത്തെ മനോഹര കാഴ്ചയാണ് . കൂടാതെ കൃഷ്ണഗിരി അന്താരാഷ്ട്ര ക്രിക്കറ്റ് സ്റ്റേഡിയം ഇ കുന്നിൻ മുകളിൽ നിന്നുള്ള മറ്റൊരു മനോഹര കാഴ്ചയാണ് .
അരുവിക്കര ഡാം
മനോഹരമായ മലമടക്കുകൾക്കിടയിൽ സ്ഥിതി ചെയ്യുന്ന ജലസംഭരണിയുടെ സമീപമായി ജലസേചനവകുപ്പ് നിർമ്മിച്ച് പരിപാലിക്കുന്ന 'ശിവ പാർക്ക്' വിനോദസഞ്ചാരികളെ ആകർഷിക്കുന്നു
ആനതെറ്റി വെള്ളച്ചാട്ടം
ശശിപ്പാറയ്ക്ക് സമീപത്തായി ഒരു ചെറിയ വെള്ളച്ചാട്ടമുണ്ട് ആനതെറ്റിവെള്ളച്ചാട്ടം ഞാൻ ഇപ്പോൾ അതിന് മുന്നിലായാണ് ഉള്ളത്. മഴക്കാലമായതിനാൽ ഇതും സജീവമാണ് പാറകളെല്ലാം തന്നെ വഴുവഴുപ്പുള്ളതാണ് കാലൊന്നു തെന്നിയാൽ അഘാതമായ താഴ്ച്ചയിലേക്ക് ചെന്നു പതിക്കും