മടവൂർ പാറ

തിരുവനന്തപുരം ജില്ലയിലെ കാട്ടായിക്കോണത്തിനു സമീപമാണ് മടവൂർ പാറയും പ്രാചീന ഗുഹാക്ഷേത്രവും.. ഈ ക്ഷേത്രത്തിന്‍റെ പഴക്കത്തെക്കുറിച്ച് കൃത്യമായ തെളിവുകളില്ലെങ്കിലും ആയിരത്തി മുന്നൂറിലേറെ വർഷങ്ങളുടെ പഴക്കമുണ്ടെന്ന് പറയപ്പെടുന്നു

സമുദ്രനിരപ്പിൽ നിന്ന് 300 അടി ഉയരത്തിലാണ് പാറ സ്ഥിതി ചെയ്യുന്നത്. ചതുരാകൃതിയിൽ പാറ തുരന്നാണ് ക്ഷേത്രം നിർമ്മിച്ചിരിക്കുന്നത്. പാറയിൽ തന്നെ പടവുകളും കൊത്തിയുണ്ടാക്കിയിട്ടുണ്ട്. പടവുകൾ അവസാനിക്കുന്നിടത്ത് മണ്ഡപമുണ്ട്. ഗുഹാമുഖം അവിടെ നിന്നും ആരംഭിക്കുന്നു.. ബുദ്ധമതക്കാരാണോ ജൈനമതക്കാരാണോ ക്ഷേത്രം പണിയിച്ചതെന്ന വാദത്തിന് കൃത്യമായ ഉത്തരമില്ലെങ്കിലും ബുദ്ധമത വിശ്വാസികളുടെ ആരാധനാലയമായിരുന്നു ഇവിടം എന്നതിനാണ് തെളിവുകളേറെയുള്ളത്.

മാടൻ എന്ന മൂല പദത്തിൽ നിന്നാണ് മടവൂർ എന്ന് സ്ഥലനാമം വന്നതെന്ന് ചില ചരിത്രകാരന്മാർ അഭിപ്രായപ്പെടുന്നു.. മാടന്റെ ഊര് മാടന്നൂർ ആയെന്നും അത് ക്രമേണ ലോപിച്ച് മടവൂർ ആയതാകാമെന്നും പറയപ്പെടുന്നു

Location Map View

Nearby Attractions

വേളി കായൽ

വേളി കായലിന്റെ കരയിലുള്ള പ്രദേശം ഒരു വിനോദ സഞ്ചാര കേന്ദ്രം എന്ന നിലയിൽ പ്രശസ്തമാണ്

ആക്കുളം ടൂറിസ്റ്റു ഗ്രാമം

പ്രകൃതിയുമായി അടുത്ത് കുറച്ചധികം സമയം ചെലവഴിക്കാന്‍ താല്പര്യമുള്ളവര്‍ക്ക് ധൈര്യമായി ഇവിടെ വരാം. നീന്തല്‍ക്കുളവും കഫറ്റേരിയയും വാട്ടര്‍ ഫൗണ്ടെയ്‌നും സൈക്കിള്‍ ട്രാക്കുമെല്ലാം ഇവിടുത്തെ പ്രത്യേകതകളാണ്.

പുത്തൻതോപ്പ് ബീച്ച്

കടലിന്റെ സംഗീതം കേട്ടുകൊണ്ട് പെരുമാതുറ മുതൽ വേളി വരെ പ്രശാന്ത സുന്ദരമായ കടൽ തീരത്തുകൂടെ വേണമെങ്കിൽ നടക്കാം

വേളി ടൂറിസം ഗ്രാമം

കുട്ടികൾക്കായുള്ള ഒരു പാർക്ക്, ജലകായിക വിനോദങ്ങൾ, ഒരു ഉല്ലാസ പാർക്ക്, വെള്ളത്തിൽ പൊങ്ങിക്കിടക്കുന്ന ഒരു ഭക്ഷണശാല, കടൽത്തിരവുമായി ബന്ധിപ്പിക്കുന്ന വെള്ളത്തിൽ പൊങ്ങിക്കിടക്കുന്ന ഒരു പാലം, മനോഹരമായ ഉദ്യാനം എന്നിവ വേളിയിലുണ്ട്.