സെന്തുരുണി വന്യ ജീവി സങ്കേതം
കൊല്ലം ജില്ലയിലെ പുനലൂർ താലൂക്കിലാണ് ചെന്തുരുണി വന്യജീവി സങ്കേതം സ്ഥിതി ചെയ്യുന്നത്. പശ്ചിമഘട്ടത്തിലെ സംരക്ഷിത പ്രദേശമായ ഇവിടം അഗസ്ത്യമല ബയോസ്ഫിയർ റിസർവ്വിന്റെ കീഴിലാണ് സംരക്ഷിക്കപ്പെടുന്നത്. തെൻമലയാണ് ചെന്തുരുണി വന്യജീവി സങ്കേതത്തിന്റെ ആസ്ഥാനം. കല്ലടയാറ്റിൽ നിർമ്മിച്ചിരിക്കുന്ന തെന്മല അണക്കെട്ടിന്റെ ജല സംഭരണിയും സമീപപ്രദേശങ്ങളിലുള്ള വനങ്ങളും ചേർന്ന് 171 ച.കി.മീ വിസ്തീർണ്ണം ഉള്ളതാണ് ഈ വന്യജീവി സങ്കേതം 1984 ലാണ് നിലവിൽ വന്നത്.
മരത്തിൻറെ പേരിൽ അറിയപ്പെടുന്ന വന്യജീവി സങ്കേതമാണ് ശെന്തരുണി. ചെന്തുരുണി അഥവാ ഗ്ലൂട്ടാ ട്രാവൻകോറിക്ക എന്നു പേരായ മരത്തിന്റെ സാന്നിധ്യം ഇവിടെ ധാരാളമായി കാണുന്നതിനാലാണ് ഈ സ്ഥലത്തിന് ഈ പേരു ലഭിച്ചത്. കട്ടിയേറിയ തോലുള്ള ഈ മരത്തിൽ നിന്നും ചുവന്ന കറ വരും. അങ്ങനെ ചുവന്ന കറ വരുന്നതിനാലാണ് ഈ മരം ചെന്തുരുണി എന്നറിയപ്പെടുന്നത്. വളർച്ചയെത്തുമ്പോൾ 35 മീറ്ററോളും ഉയരം വയ്ക്കുന്ന വലിയ മരം കൂടിയാണിത്.
Nearby Attractions
Checkout these
ചെമ്പ്ര കൊടുമുടി
മലകയറ്റക്കാരുടെ ശാരീരിക ക്ഷമതയെ പരീക്ഷിക്കുന്ന ചെമ്പ്ര ഈ പ്രദേശത്തെ ഏറ്റവും ഉയരമുള്ള കൊടുമുടിയാണ്. ചെമ്പ്ര കൊടുമുടി കയറിയിറങ്ങാന്‍ ഒരു ദിവസം മുഴുവന്‍ വേണ്ടി വരും.
മാടായിപ്പാറ
മഴക്കാലത്താണ് മാടായിപ്പാറ കൂടുതൽ സുന്ദരി ആകുന്നത് പ്രത്യേകിച്ചും " കാക്കപൂക്കൾ " പൂക്കുന്ന നേരത്ത്.
പീച്ചി ഡാം
കരുവന്നൂർ പുഴയുടെ പോഷകനദിയായ മണലിപ്പുഴയുടെ കുറുകെ നിർമ്മിച്ചിരിക്കുന്ന ഒരു അണക്കെട്ടാണ് പീച്ചി അണക്കെട്ട്.
900 കണ്ടി
ഇടയ്ക്ക് ചെറിയ വെള്ളച്ചാട്ടവും അരുവികളും, പക്ഷികളുടെയും മൃഗങ്ങളുടെയുമൊക്കെ ശബ്ദങ്ങൾ, പ്രകൃതിഭംഗിയും ഹിമകണങ്ങൾ തലോടിയ കാട്ടു ചെടികളും കാട്ടാറുകളും കുയിലിന്റെ ശബ്ദവും ഇന്നും നിലച്ചിട്ടില്ലാത്ത സുന്ദരക്കാഴ്ച്ചകളും നിറഞ്ഞ സ്ഥലം.