ഊഞ്ഞാപ്പാറ
എറണാകുളം ജില്ലയിലെ കോതമംഗലത്തിനു സമീപം ആണ് ഊഞ്ഞാപ്പാറ. മനോഹരമായ ഈ ഗ്രാമത്തിലുള്ള കോൺക്രീറ്റ് കനാലിൽ കുളിക്കുവാൻ ആർക്കും സാധിക്കും.. ഫ്രീ ആയി ഒരു വാട്ടർ തീം പാർക്കിൽ പോകുന്ന പ്രതീതി ആണ് ഇവിടെ... പ്രവേശന ഫീസോ പാർക്കിങ്ങ് ഫീസോ ഇവിടെ ഇല്ല....ദിവസം ചെല്ലുന്തോറും തിരക്ക് കൂടികൂടിവരുന്നു..പ്രതിദിനം ആയിരത്തിൽ കൂടുതൽ ആളുകൾ ഇവിടെ എത്തുന്നുണ്ട്....
ഗൂഗിൾ മാപ്പിൽ രണ്ട് ഊഞ്ഞാപ്പാറ രേഖപ്പെടുത്തിയിട്ടുണ്ട് അതിൽ ഒരെണ്ണം വെണ്ടുവഴി എന്ന സ്ഥലം ആണ്. ശരിക്കും ഉള്ള ഊഞ്ഞാപ്പാറ കോതമംഗലം - ചേലാട് - കീരംപാറ -പുന്നേക്കാട് റൂട്ടിൽ ആണ്.
ഒരാൾ നിന്നാൽ നെഞ്ചൊപ്പം മാത്രമേ വെള്ളമൊള്ളൂ. തന്നെയുമല്ല ഒഴുക്കിനു ശക്തി കുറവായതിനാൽ നീന്തലറിയില്ലാത്തവർക്കും ഈ കനാലിലൂടെ നടക്കുവാൻ സാധിക്കും. എടുത്തു പറയേണ്ട കാര്യം ഇവിടുത്തെ നല്ലവരായ നാട്ടുകാരെക്കുറിച്ചാണ്. ഇവിടെ കുളിക്കാനെത്തുന്നവരോട് യാതൊരുവിധ എതിർപ്പും ഈ പ്രദേശത്തുള്ളവർ കാണിക്കുന്നില്ല. ഈ കനാലിൻ്റെ ഒരു വശം റോഡാണ്. നെൽപാടത്തിനും, കമുകും തോട്ടത്തിനും ഇടയിലൂടെയാണ് ഈ കോൺക്രീറ്റ് കനാൽ പോകുന്നത്.
കോതമംഗലത്തുനിന്ന് ഏഴുകിലോമീറ്റര് ദൂരമേ ഇവിടേക്കൊള്ളൂ.
Nearby Attractions
കപ്പ ബിരിയാണി
വേവിച്ച പുഴുക്കു പരുവത്തിലായ കപ്പയോടൊപ്പം ഇറച്ചി ചേർത്തുണ്ടാക്കുന്ന ഈ വിഭവം പോത്തിറച്ചിയോടൊപ്പമാണു തയാറക്കാറുള്ളതെങ്കിലും കോഴി ഇറച്ചി, ആട്ടിറച്ചി, പന്നി ഇറച്ചി എന്നിവയോടൊപ്പവും തയ്യാറാക്കാറുണ്ട്.
ഇടി ഇറച്ചി (ഇടിയിറച്ചി)
മലയോര മേഖലകളിൽ ആണ് ഇടിയിറച്ചി കണ്ടുവരുന്നത്. പ്രേത്യേകിച്ചു ഇടുക്കി ഭാഗങ്ങളിൽ. ആ ഭാഗത്തു കൂടി യാത്ര പോകുന്നുണ്ടെങ്കിൽ തീർച്ചയായും കഴിക്കേണ്ട ഒന്നാണ് ഇടിയിറച്ചി
Checkout these
ചിന്നാർ
ഇല കൊഴിയുന്ന വൃക്ഷ കാടുകൾ, മുൾച്ചെടികൾ നിറഞ കുറ്റിക്കാടുകൾ, ചോലവനങ്ങൾ പുൽത്തകിടികൾ, ചതുപ്പു വനങ്ങൾ
കട്ടിക്കയം വെള്ളച്ചാട്ടം
ഒരാള് പൊക്കത്തോളം വളര്ന്നു നില്ക്കുന്ന പുല്ചെടികള്ക്കിടയിലൂടെ, ഉരുളന്കല്ലുകള് നല്ല രസത്തില് പാകിയ ചെറു അരുവികളൊക്കെ കടന്നു വേണം ഈ കട്ടിക്കയം എന്ന മൂന്ന് തട്ടായി താഴേക്കു പതിക്കുന്ന വെള്ളച്ചാട്ടത്തില് എത്താന്
ചെത്തി ബീച്ച്
ഫാമിലിയായി വരാൻ പറ്റിയ ബീച്ചാണ് മാരാരികുളത്തിനടുത്തുള്ള ചെത്തി ബീച്ച്. ആഢംബര സൗകര്യങ്ങൾ കുറവാണെങ്കിലും കാഴ്ചയിൽ സംഗതി ജോറാണ്.
മണ്ണീറ വെള്ളച്ചാട്ടം
മണ്ണീറ ഒരു വലിയ വെള്ളച്ചാട്ടമല്ല. ചെറുതെങ്കിലും മനസ് കുളിർപ്പിക്കുന്നതാണ്.വേരുകൾ തഴുകിയൊഴുകുന്ന വനത്തിലെ കൊച്ചു കൊച്ചു നീരുറവകൾ കൂടിച്ചേർന്ന് മണ്ണീറയിലെത്തുമ്പോൾ വെള്ളച്ചാട്ടമാകും